JAGIELO vel JAGELLO

JAGIELO, vel JAGELLO

Princeps Lithuaniae, ex Ethnico Christianus, meruit Hedvigis, Ludovici Poloniae Regis filiae natu minimae, nuptias, hincque sceptrum. Ut Lithuanos similiter ad fidem perduceret, omnibus spectantibus, ipse arboribus, quas hactenus coluerat, securi impactâ, ignibusque tam diu adoratis aquâ affusâ Non est, clamabat, non est Deus, quod exscindi, deici, exstingui potest. Orationem dein Dominicam, Symbolum Apost. aliaque in idioma Lithuanicum vertit. Baptizatus Uladislai nomen accepit, et Lithuaniam Poloniae iunxit. Proelium contra Crucigeros initurus, Deo pro victoria public supplicavit. Palatinum Valachiae in fidem accepit, A. C. 1411. Cracoviae cum Hussitis disputationem instituit, A. C. 1431. quâ tantopere motus est, ut in veritatem sedulo inquirere coeperit, et Ministro Euangelico e Bohemia evocato, sub praetextu Astronomici studii, saepius ad pacandam conscientiamusus sit. Eo facilius quoque uxoris petitioni annuit, et

Ecclesiastis Bohemis vulgari linguâ Slavonicâ sacra administrare, in templo sanctae Crucis Cracoviae, permisit. Cuius zelum et alii imitari, Corybutus inprimis Regis patruelis, qui armatâ quoque manu Bohemos propugnavit. Ex huius fam. ultimus Sigifmundus Aug. Obiit A. C. 1572. Ipsi vero Iagieloni successit Uladislaus fil. Vide Cromerum Hist. Pol. l. 16. et 18. Ant. Muret. in Orat. Laet. in Comp. Hist. Univ.